ಪ್ರಪಂಚದ ದುಬಾರಿ ಮಾವುಗಳಿವು.. ಇದರ ಬೆಲೆಯೆಷ್ಟು ಗೊತ್ತಾ?!

ನೀವು ಮಿಯಾಝಾಕಿ ಮಾವುಗಳ ಬಗ್ಗೆ ಕೇಳಿದ್ದೀರಾ? ನೀವೊಂದು ವೇಳೆ ಸೋಷಿಯಲ್ ಮೀಡಿಯಾವನ್ನು ಹೆಚ್ಚಾಗಿ ಗಮನಿಸ್ತಿರುವವರು ಆಗಿದ್ರೆ, ನೀವು ಈ ಮಿಯಾಝಾಕಿ ಮಾವಿನ ಬಗ್ಗೆ ಕೇಳಿರುವ ಸಾಧ್ಯತೆ ಹೆಚ್ಚಿರುತ್ತದೆ. ಅಂದ್ಹಾಗೆ, ಈ ಮಾವಿಗೆ ಜಗತ್ತಿನ ಅತೀ ದುಬಾರಿ ಮಾವು ಎನ್ನುವ ಖ್ಯಾತಿಯೂ ಇದೆ.

ಇತ್ತೀಚೆಗೆ ANIನಲ್ಲಿ ಹಾಕಲಾಗಿದ್ದ ಪೋಸ್ಟ್​ ಒಂದರಲ್ಲಿ, ವೆಸ್ಟ್​ ಬೆಂಗಾಲ್​ನ ಸಿಲಿಗುರಿಯಲ್ಲಿ ನಡೆದ 7ನೇ ಮಾವಿನ ಉತ್ಸವದಲ್ಲಿ ಪ್ರದರ್ಶಿಸಲಾದ ವಿಶ್ವದ ಅತ್ಯಂತ ದುಬಾರಿ ಮಿಯಾಝಾಕಿ ಮಾವಿನ ಬೆಲೆ ಮಾರುಕಟ್ಟೆಯಲ್ಲಿ ಕೆಜಿಗೆ ಸುಮಾರು 2.75 ಲಕ್ಷ ರೂಪಾಯಿಯಷ್ಟಿದೆ ಅಂತ ಬರೆಯಲಾಗಿತ್ತು. ಈ ಮಿಯಾಝಾಕಿ ಮಾವಿನ ಬೆಲೆ ಅದೆಷ್ಟು ದುಬಾರಿ ಅನ್ನೋದನ್ನು ನೀವು ಇದರಲ್ಲೇ ಅರ್ಥ ಮಾಡಿಕೊಳ್ಳಬಹುದು. 

ಸಾಮಾನ್ಯವಾಗಿ ಜಪಾನ್​ನಲ್ಲಿ ಕಾಣಸಿಗುವ ಈ ಮಿಯಾಝಾಕಿ ಮಾವಿನ ಹಣ್ಣನ್ನು ಸದ್ಯ ಭಾರತದಲ್ಲಿಯೂ ಕೆಲವೆಡೆ ಬೆಳೆಸಲಾಗ್ತಿದೆ. ವೆಸ್ಟ್​ ಬೆಂಗಾಲ್​ನ ದುಬ್ರಾಜ್​ಪುರ್​ನಲ್ಲಿ ಈ ಮಾವಿನ ತೋಟವಿದ್ದು, ಈ ತೋಟ ಪ್ರವಾಸಿಗರನ್ನು ಆಕರ್ಷಿಸ್ತಿದೆ. ಸಾಮಾನ್ಯವಾಗಿ ಏಪ್ರಿಲ್-ಆಗಸ್ಟ್​ನಲ್ಲಿ ಈ ಹಣ್ಣಿನ ಇಳುವರಿ ಜಾಸ್ತಿ ಅಂತ ಹೇಳಲಾಗ್ತಿದೆ.

ಮಿಯಾಝಾಕಿ ಮಾವು ಪಕ್ವವಾಗುತ್ತಾ ಬಂದಾಗ ಕೆಂಪು ಬಣ್ಣಕ್ಕೆ ತಿರುಗುತ್ತದೆ. ಒಂದು ಹಣ್ಣು ಸುಮಾರು 350 ಗ್ರಾಮ್​​ ತೂಗುವ ಈ ಹಣ್ಣಿಗೆ ಭಾರತದಲ್ಲಿ ಕೆಜಿಗೆ 3 ಲಕ್ಷದವರೆಗೂ ಬೆಲೆಯಿದೆ ಅಂದರೆ ನೀವು ನಂಬಲೇಬೇಕು.